ពួកអ្នកនយោបាយដែលមានឋានៈខ្ពស់ៗរបស់ប្រទេសចិន ត្រូវបានចោទប្រកាន់ពីបទចូលរួមនៅក្នុងការប្រព្រឹត្តិសកម្មភាពស៊ិចបែប ភ្លើតភ្លើនជាក្រុមមួយ បន្ទាប់ពីរូបភាពជាង១០០ដែលបង្ហាញបុរសស្រាតចំនួនបីនាក់ និងនារីអាក្រាតចំនួនពីរនាក់ ត្រូវបានបញ្ចូលទៅក្នុងវេបសាយព័ត៌មានសង្គមមួយ។
រូបថត ដែលលេចឡើងនៅលើវេបសាយ Weibo របស់ប្រទេសចិន ដែលមានកម្រិតស្មើវេបសាយ Twitter តាមសេចក្តីរាយការណ៍បង្ហាញពីក្រុមដែលកំពុងចូលរួមនៅក្នុងសកម្មភាព ស៊ិចក្នុងសណ្ឋាគារមួយ។
វាត្រូវបានគេអះអាងថាក្រុម បុរសទាំងនេះគឺជា លោក វ៉ាង មីនសេង (Wang Minsheng) លេខាធិការបក្សនៃសង្កាត់លូជាំង (Lujiang) នៅក្នុងខេត្តអានហ៊ូយ អនុលេខាធិការបក្សរបស់គាត់ លោក ជាំង ដាប៊ីន (Jiang Dabin) និងប្រធានយុវជននៅសាកលវិទ្យាល័យហេហ្វេ លោក វ៉ាង យូ (Wang Yu) របស់គណបក្សនេះ។
យោងតាមរបាយការណ៍ឲ្យដឹងថា ក្រុមបុរសបីនាក់នេះសុទ្ធតែប្រព្រឹត្តិខុសតាមលក្ខខណ្ឌច្បាប់ នៅក្នុងប្រទេសចិន ហើយជនសង្ស័យទាំងនេះនឹងត្រូវបានចោទប្រកាន់នៅក្រោមលក្ខន្តិកៈ ច្បាប់ពីបទ "ងប់ងល់ស៊ិចជាក្រុម" ដែលបន្ថែមទៅលើក្រមព្រហ្មទណ្ឌនៅក្នុងឆ្នាំ១៩៩៧។
លោក មីនសេង បានបដិសេធការពាក់ព័ន្ធណាមួយនៅក្នុងរឿងអាស្រូវនេះ ដែលបានរីករាលដាលដូចភ្លើងព្រៃនៅពាសពេញប្រទេស ហើយជឿថាការចោទប្រកាន់នេះត្រូវបានធ្វើឡើងដើម្បីប្រឆាំងរូបគាត់។លោក អះអាងថារូបភាពទាំងនេះត្រូវបានតាក់តែងឡើងដោយពួកសត្រូវនយោបាយរបស់គា ត់។
យោងតាមវេបសាយ The Huffington Post ឲ្យដឹងថា កាសែតប្រចាំថ្ងៃ Global Times របស់ចិន ដែលរួបរួមជាមួយគណបក្សកុម្មុយនីស្ត បានស្រង់សម្តីមន្ត្រីប៉ូលីសម្នាក់ជាមួយនឹងការិយាល័យសន្តិសុខ សាធារណៈសង្កាត់លូជាំង ដែលអះអាងថាករណីនេះស្ថិតនៅក្រោមការស៊ើបអង្កេត ប៉ុន្តែមិនបានអះអាងថាតើមានជនសង្ស័យណាម្នាក់ត្រូវបានចាប់ខ្លួន នោះទេ។
រូបភាពអំពីប្រព្រឹត្តិសកម្មភាពស៊ិចបែប ភ្លើតភ្លើនជាក្រុមនៅលើវេបសាយ Weibo កាលពីសប្តាហ៍មុន បានបង្កឲ្យមានការយកចិត្តទុកដាក់ជាច្រើននៅលើវេបសាយនេះ៕
Posted in:
0 comments:
Post a Comment