.jpg?1344999028)
បន្ទាយមានជ័យ: មន្ត្រីក្រុមការងារទំនាក់ទំនងព្រំដែនកម្ពុជា-ថៃ ប្រចាំច្រកប្រាសាទតាមន្ត ( ប្រាសាទតាមាន់) ស្រុកបន្ទាយអម្ពិល ខេត្តបន្ទាយមានជ័យ បានឲ្យដឹងថ្ងៃទី១៣ ខែសីហា ឆ្នាំ២០១២ ថា នៅដើមខែសីហានេះ ទាហានឈុតខ្មៅថៃ ( ទាហានប្រាណ ឬកងរក្សាព្រះមហាក្សត្រថៃ កង ២៦០៩ ) នៅប្រាសាទតាមាន់ ឃុំបានគ្រួត ស្រុកណូននឹងដែង ខេត្តបូរីរម្យ បានដកចេញទៅបន្ទាយដើមឯខេត្តសុរិន្ទ និងខេត្តបូរីរម្យ។ ដកទាំងរថក្រោះ និងរថពាសដែកដែរ។ តែទុកទាហានឈុតប៉ារ៉ា។
ប្រភពដដែល បានបន្ថែមថា ប៉ុន្តែថៃបន្ថែម ឬបង្វែរទ័ពមួយវរសេនាតូចទៅនៅទល់មុខ ភូមិថ្មដូន ឃុំគោកមន ស្រុកបន្ទាយមអម្ពិលវិញ។ គឺបន្ទាយនៅក្បែរច្រកឆងកាង ភូមិបុស្សអំពៅ ឃុំបាក់ដៃ ស្រុកភ្នំដុងរ៉ាក់ ខេត្តសុរិន្ទ។
លោកវរសេនីយ៍ ជុំ ស្រី ប្រធានក្រុមការងារទំនាក់ទំនងព្រំដែនកម្ពុជា-ថៃ ប្រចាំច្រកប្រាសាទតាមន្ដ បាននិយាយនៅថ្ងៃទី១៣ ខែសីហា ឆ្នាំ២០១២ ថា ទាហានថៃ ទោះជាដកទៅខ្លះមែន តែបានបន្តជីកលេណដ្ឋាននៅតំបន់ព្រំដែន។
ទាក់ទិននឹង ក្រុមបច្ចេកទេសវាស់វែងនៃគណៈកម្មាធិការព្រំដែនប្រទេសទាំងពីរ ចុះស្រាវជ្រាវវាស់វែងនិងកំណត់ទីតាំង កំណត់ភាពដើមបង្គោលព្រំដែនលេខ២២ និង ២២ B ចន្លោះប្រាសាទតាមាន់ ភូមិថ្មដូន និងប្រាសាទតាក្របី កាលពីចុងខែឧសភា ឆ្នាំ២០១២ កន្លងមក មកទល់ពេលនេះនៅតែពុំទាន់រកឃើញទីតាំងដើមនៃបង្គោល ក្នុងនោះមានការសង្ស័យថាបន្ទាយថ្មីទាហានថៃវរសេនាតូច ២៣៤ បានបោះលើទីតាំងបង្គោលលេខ ២២ B ដែលប៉ះពាល់ដល់ MOU កម្ពុជា-ថៃ ឆ្នាំ២០០០។
លោកបានបន្ថែមថា ក្រុមការងារចូលរួមជាអ្នកសង្កេតការណ៍។ ការវាស់វែងធ្វើលើខ្សែចែកទឹក នៃខ្នងភ្នំ ហើយជួបការលំបាកខ្លាំង ព្រោះសម្បូរមីន និងចម្រូងយ៉ាងច្រើន៕ S
Posted in:
0 comments:
Post a Comment