លោក ផុន លីវីរៈ ប្រធានមនី្ទរកសិកម្ម ខេត្តកោះកុង បានឲ្យដឹងថា នេះជាលើកទីបីហើយ ដែលមន្ទីរកសិកម្មខេត្ត បានដឹកនាំមន្រី្តក្រោមឱវាទចុះមកជួយដកស្ទូង និងច្រូតកាត់ជូនបងប្អូនប្រជាកសិករនៅភូមិព្រែកស្វាយ។
លោក បានបន្តថា លើកទីបីនេះ មនី្ទរបានរួមសហការជាមួយសមាគមយុវជនកម្ពុជា សាខាប្រចាំខេត្ត ដឹកនាំដោយលោកស្រី មិថុនា ភូថង បាននាំយុវជន ដែលទំនេរពីការសិក្សា ចុះមកជួយស្ទូងស្រូវវស្សា ជូនបងប្អូនប្រជាកសិករយើង នៅភូមិខាងលើ ដែលខ្វះខាតកម្លាំងពលកម្ម ដើម្បីជួយជំរុញដល់ការងារបង្កបង្កើនផល ជូនពួកគាត់ឲ្យសម្រេចតាមផែនការ ដែលបានដាក់ចុះ។
លោក ប្រធានមនី្ទរ បានឲ្យដឹងបនែ្ថមថា សព្វថៃ្ងនៅទូទាំងខេត្ត បងប្អូនប្រជាកសិករ បានសម្រេចនូវការបង្កបងើ្កនផលរបស់ខ្លួន បានចំនួន ៩.៣៨២,៦០ ហិកតា ក្នុងនោះមានដំណាំស្រូវស្រាលចំនួន ២.៣៣២,៣០ ហិកតា ស្រូវកណ្តាល បានចំនួន ៤.៣៥៤,១០ ហិកតា ស្រូវធ្ងន់បានចំនួន ១.៥៥១,០០ ហិកតា ស្រូវចំការបានចំនួន ១.១៤២,៥០ ហិកតា និងស្រូវពង្រោះបានចំនួន ២,៧០ ហិកតា។
លោកបានឲ្យដឹងបនែ្ថមទៀតថា រហូតមកដល់សព្វថៃ្ង គ្រោះរាំងស្ងួត ពុំទាន់ជះឥទិ្ធពល មកលើដំណាំស្រូវ នៅក្នុងខេត្តនៅឡើយទេ តែបើមានគ្រោះរាំងស្ងួត កើតឡើង លោកនឹងសហការជាមួយមនី្ទរធនធានទឹក ចុះជួយបូមទឹក ដាក់ស្រែឲ្យបានទាន់ពេលវេលា មិនឲ្យដំណាំស្រូវរបស់បងប្អូនយើង ទទួលរងនូវការខូតខាតឡើយ។
ឆ្លៀតក្នុងឱកាសនោះ លោកប្រធានមនី្ទរកសិកម្ម ខេត្តកោះកុង ក៏បានមានមតិសំណេះសំណាល និងនាំយកសារុង ដែលជាអំណោយរបស់លោករដ្ឋមន្រី្ត ច័ន្ទ សារុន មកចែកជូនដល់កសិករ ចំនួន ៣២ នាក់ផងដែរ៕
0 comments:
Post a Comment